दोन घडीचा डाव,
याला जीवन ऐसे नाव ॥
क्षणिक सुखांना वाव
बाकी नित्य वेदना सराव
तिचा कुणी न उमराव
रंक असे जरी कुणी राव ॥
संथपणास नसे शिरकाव
फ़ुटे उर धावे जो भरधाव
पाहीला संकटी पथराव
सोशीला पराजयाचा घाव ॥
पाही सत्वपरिक्षा साव
तिचा न कधी कुणा लगाव
घेतला नित्य तिचा ठाव
तरी न पाहिला कुणी गाव ॥
करुनी भलती धावाधाव
शोधीला ठेऊनी निरंतर भाव
सुखात स्मरे न कुणी नाव
म्हणे त्यासी दुःखात मला पाव ॥
म्हणेल मुठीत कूणी माव
अगदी खुशाल तीज आजमाव
वल्गना, किती जरी आव
जीवन त्यास केवळ जगून दाव .............
No comments:
Post a Comment